KONSTITUTSIYA ­- DEMOKRATIYA VA ADOLAT KAFOLATI

0
200
marta ko‘rilgan.

Toshkent shahri Yunusobod tumanidagi Bog‘ishamol mahallasida Toshkent shahar  «Sog‘lom ona va bola» ayollar va yoshlar markazining O‘zbekiston Respublikasi Oliy Majlisi huzuridagi nodavlat notijorat tashkilotlari va fuqarolik jamiyatining boshqa institutlarini qo‘llab-quvvatlash jamoat fondi  loyihasi asosida ”Oila madaniyati- yurt tinchligi” mavzuidagi “Salohiyat” ko‘chma klubining navbatdagi tadbiri 2017 yil 8 noyabr kuni soat 10.00da  bo‘lib o‘tdi.

Tadbir Toshkent shahar «Bilim» kutubxonasi, “Kamalak” nashriyoti bilan hamkorlikda o‘tkazildi. Markaz rahbari, Respublikada xizmat ko‘rsatgan jurnalist Ra’no Zaripova tadbirni ochib, kun tartibi va ma’ruzachilar bilan tanishtirdi.

Oliy Majlis Qonunchilik palatasining ikkinchi Chaqiriqida deputat bo‘lib saylanib faoliyat yuritgan, ayni kunda Toshkent shahar «Bilim» kutubxonasi direktori Hofizaxon Karimova asosiy qonunimiz-O‘zbekiston Respublikasi Konstitutsiyasining– xalqimiz hamda yurtimizning buguni va kelajagining ifodasi ekanligi. shu bois ham mamlakatimizda Bosh Qomusimiz qabul qilingan kunga bag‘ishlangan tantanali marosim o‘tkazilishi yaxshi an’anaga aylanganligi, tantanali marosimda Yurtboshimiz o‘tayotgan yilni sarhisob qilib, kelgusi yilning muhim va ustuvor vazifalarini  belgilab berishini ta’kidlab, asosiy qonunimizning mazmun-mohiyatini sharhlab berdi.

Ikkinchi yo‘nalishda oilalarning mutolaa madaniyatini yuksaltirishga bag‘ishlandi. “Kamalak” nashriyoti direktori, shoira O‘ktamoy Xoldorova mutolaning inson shaxsini shakllantirishidagi ahamiyati haqida gapirib, go‘zal she’rlari bilan tinglovchilarni xushnud qildi.

Toshkent shahar «Sog‘lom ona va bola» ayollar va yoshlarni qo‘llab quvvatlash markazi direktori, Respublikada xizmat ko‘rsatgan jurnalist Ra’no Zaripova O‘zbekiston Respublikasi Konstitutsiyasi va qonunlari asosida “O‘z huquqingizni bilasizmi” mavzuida tayyorlangan savolnomalarni  tinglovchilarga tarqatdi. Ushbu savollar asosida jonli muloqot ham o‘tkazdi. Tinglovchilar tomonidan berilgan javoblar Markazning  “gujum.uz” saytiga  joylashtirilishi, tanlov yakunida faol qatnashganlar taqdirlanishi ham tushuntirdi. Shuningdek, “gujum.uz” sayti bilan slayda orqali tanishtirdi.  

Tadbirda Ra’no Zaripova o‘zining hamda oila a’zolarining mualliflik kitoblaridan 4tasini, «Tafakkur qanoti» nashriyotining shaxsiy kutubxonasidan 8 tasini, shoira O‘ktamoy Xoldorova o‘z nashriyotidan 5tasini mahalla  kutubxonasiga sovg‘a qildi.

 Shuningdek, tadbirda “G‘uncha” hamda “Gulxan” jurnallaridan va “Sog‘lom avlod”, “Klass”, “Tong yulduzi”  gazetalaridan yig‘ilish qatnashchilariga oilaviy mutola uchun armug‘on etildi.                                                                                                                                                                                                                                                                                                                  J. Sa’dullayev                                                                                                                                                                                                                                                                                                                                                                                                                                                                                                                                                                                                                                                   

Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.