TIKA O‘zbekistondagi yosh fermerlarga ko‘mak beradi

0
233
marta ko‘rilgan.

2 fevral kuni O‘zbekiston yosh fermerlari kengashi  va Turkiya Hamkorlik va Muvofiqlashtirish Agentligi (TIKA) ning hamkorlik uchrashuvi bo‘lib o‘tdi.

Unda  O‘zbekistonda faoliyat yuritayotgan yosh fermerlar faoliyatiga yordam ko‘rsatish bo‘yicha bir qancha ijobiy kelishuvlarga erishildi.

Jumladan, endi Turkiya   energiya manbalari yordamida sug‘orish tizimlarini rivojlantirish dasturi yosh fermerlar faoliyatida joriy etiladi. Ushbu innovatsion loyiha quyosh energiyasidan foydalanib, yerning tabiiy landshaft joylashuvi tufayli suv chiqishi qiyin bo‘lgan maydonlarni  sug‘orish imkoniyatini beradi. Unga ko‘ra O‘zbekiston yosh fermerlari kengashi tomonidan sug‘orish ishlarida jiddiy muammolarga duch kelayotgan yosh fermerlar faoliyati o‘rganib chiqilgan holda hamkorlarga tavsiya etiladi.

Uchrashuvda shuningdek, asalarichilikni rivojlantirish bo‘yicha ham bir qancha loyihalar ilgari surildi. Loyihalarga ko‘ra ikki tomonning kelishuvi asosida  yosh fermerlarga Turkiyadan ona asalarilar hamda asalari ko‘paytirishda kerak bo‘ladigan tehnologiyalar yetkazib beriladi.

Ushbu loyihalarni amalga oshirish uchun respublikamizning faol yosh fermerlari Turkiyada malaka oshirib qaytishlari ham rejalashtirilgan.

Ilyos Safarov,

O‘zbekiston yosh fermerlari kengashi

matbuot xizmati rahbari

Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.