АҚШнинг Анахайм шаҳрида ўтказилган оғир атлетика бўйича жаҳон чемпионатида 2 декабр куни эркаклар ўртасида 69 кг. вазн тоифасида беллашувлар бўлиб ўтди. Ушбу вазнда юртимиз шарафини ҳимоя қилаётган Достон Ёқубов силтаб кўтаришда 179 кг. оғирликни ўзига бўйсундириб, финал босқичи иштирокчилари орасида энг яхши натижани қайд этди ва олтин медалга сазовор бўлди.
