Бугун каноэчимиз Дилноза Раҳматова ҳам Токио-2020 Олимпия ўйинларидаги иштирокини бошлади. Саралаш дастуридаги биринчи стартида ҳамюртимиз 47.716 сонияда маррага етиб келди.
Тўртинчи саралаш гуруҳида иштирок этган Раҳматова бешинчи натижани қайд этди. Вакиламиз каноэ спортида Олимпия ўйинларида биринчи марта иштирок этмоқда. Регламентга кўра, дастлабки 2 ўринни эгаллаган спортчилар тўғридан тўғри ярим финал йўлланмасини қўлга киритишади. Қолган спортчилар эса қўшимча йўлланмалар учун курашни давом эттирадилар.
Дилноза Раҳматова жуфтлик дастурида ҳам медаллар учун курашда қатнашишади.
