Янги — 2023 йил кириб келиши муносабати билан Ўзбекистон Президенти Шавкат Мирзиёев номига хорижий давлатлар, ҳукуматлар ва парламентлар, етакчи халқаро ва минтақавий ташкилотлар, таниқли давлат ва жамоат арбобларидан самимий табриклар келмоқда, дея хабар берилади prezident. uz расмий веб- сайтида.
Қутловларда мамлакатимиз етакчиси раҳбарлигида Янги Ўзбекистонни барпо этиш бўйича амалга оширилаётган ислоҳотлар ҳар томонлама қўллаб-қувватланган, олиб борилаётган очиқ ва прагматик ташқи сиёсатнинг самарадорлиги қайд этилган.
Ўзбекистоннинг кўп миллатли халқига янги муваффақиятлар ва фаровонлик, тинчлик-осойишталик ва равнақ тилаклари изҳор этилган.
Жумладан, қуйидагилар ўз табрикларини йўллаган:
Россия Федерацияси Президенти Владимир Путин;
Хитой Халқ Республикаси Раиси Си Цзиньпин;
Қозоғистон Республикаси Президенти Қасим-Жомарт Тоқаев;
Тожикистон Республикаси Президенти Эмомали Раҳмон;
Қирғиз Республикаси Президенти Садир Жапаров;
Туркманистон Президенти Сердар Бердимуҳамедов;
Туркманистон Миллий Кенгаши Халқ Маслаҳати Раиси Гурбангули Бердимуҳамедов;
Озарбайжон Республикаси Президенти Илҳом Алиев;
Беларусь Республикаси Президенти Александр Лукашенко;
Ҳиндистон Республикаси Бош вазири Нарендра Моди;
Миср Араб Республикаси Президенти Абдулфаттоҳ ас-Сиси;
Корея Республикаси Президенти Юн Сок Ёль;
Германия Федератив Республикаси Президенти Франк-Вальтер Штайнмайер;
Буюк Британия ва Шимолий Ирландия Бирлашган Қироллиги Бош вазири Риши Сунак;
Италия Республикаси Президенти Серджо Маттарелла;
Польша Республикаси Президенти Анджей Дуда;
Латвия Республикаси Президенти Эгилс Левитс;
Сингапур Республикаси Президенти Ҳалима Ёкуб;
Мўғулистон Президенти Ухнаагийн Хурэлсух;
Лаос Халқ-Демократик Республикаси Президенти Тхонглун Сисулит;
Иордания Ҳошимийлар Подшоҳлиги Подшоҳи Абдулла II;
Қувайт Давлати Амири Наваф ал-Аҳмад ал-Жобир ас-Сабоҳ;
Ироқ Республикаси Президенти Абдуллатиф Рашид;
Фаластин Давлати Президенти Маҳмуд Аббос;
Янги Зеландия Генерал-губернатори Синди Киро;
Сан-Марино Республикаси капитан-регентлари Мария Луиза Берти ва Мануэль Чаватта;
Россия Федерацияси Ҳукумати Раиси Михаил Мишустин;
Россия Федерацияси Федерал Мажлиси Федерация Кенгаши Раиси Валентина Матвиенко;
Хитой Халқ Республикаси Раисининг ўринбосари Ван Цишань;
Хитой Халқ Республикаси Давлат кенгаши Бош вазири Ли Кэцян;
Шанхай ҳамкорлик ташкилоти бош котиби Чжан Мин;
Мустақил Давлатлар Ҳамдўстлиги Ижроия қўмитаси раиси – Ижрочи котиби Сергей Лебедев;
Иқтисодий тараққиёт ташкилоти бош котиби Хусрав Нозирий;
Туркий давлатлар ташкилоти бош котиби Кубаничбек Омуралиев;
Шимолий Атлантика шартномаси ташкилоти бош котиби Йенс Столтенберг;
Жаҳон туризм ташкилоти бош котиби Зураб Пололикашвили.
Қутловлар келиши давом этмоқда.
