Президент Шавкат Мирзиёев Тошкент Давлат аграр университетининг Нукус филиалига қарашли академик лицейга ташриф буюрди. Ўқув юрти фаолияти билан танишиш асносида мамлакатимиз раҳбари қишлоқ хўжалиги техникаси, ерларнинг мелиоратив ҳолати, фармацевтика саноатидаги янгиликларни ўз ичига қамраб олган лойиҳаларни кўздан кечирди.
Шу ернинг ўзида Президент туман фаоллари, зиёлилар, фермер ва тадбиркорлар, ёшлар вакиллари билан учрашиб, самимий мулоқот қилди.
