Халқаро велоспортчилар иттифоқининг янгиланган жаҳон рейтинги эълон қилинди. Эътиборлиси, янги рейтингда ҳамюртимиз Янина Кускова ўсмирлар ўртасида велотрекнинг очколар бўйича гуруҳ пойгаси йўналишида учинчи ўринга кўтарилиб олди. Бу ҳақда Миллий Олимпия Қўмитаси хабар беради.
17 ёшли спортчимиз ҳисобида айни пайтда 990 очко мавжуд. Бугун старт олган Осиё кубогида ушбу йўналишда совриндорлар қаторидан жой оладиган бўлса, янада юқори ўринга кўтарилиб олиши ҳам мумкин.
