Фан-техника ривожланган ХХI- асрни экологик хавф-хатар асри, дейиш жоиз бўлади. Бугунги кунда инсон ўзининг иқтисодий қувватини юқори даражаларга кўтариш, бугун кечагидан, эртага эса бугунгидан «яхшироқ» яшаш илинжида қудратли техник воситалар ёрдамида табиий бойликларни тобора кўп ўзлаштириш руҳияти билан яшамоқда. Бу – албатта цивилизациянинг, глобар давр, рақамли технологиялар ривожининг зарурий омилларидан бири.
Аммо, бу сиёсатни тўғри юргизиш учун у ҳаётда ҳукм сурадиган экологик қонуниятларни билиши ва унга амал қилиши лозим. Акс ҳолда экологик танглик юз бериб, цивилизация инқирозини келтириб чиқариши муқаррар. Шунинг учун мамлакатимизда яшил макон, яшил белбоғ яшил энергия, яшил маҳалла, яшил оила каби атроф –муҳитни асрашга оид гўзал ташаббуслар, самарали тадбирлар пайдо бўлди. Зеро, Замин-она Еримиз! Унинг бир бўлаги бўлган Ўзбекистонимиз бизнинг умумий уйимиз. Унинг гуллаб яшнашига ҳисса қўшиш барчамизнинг бурчимиз. Талабанинг видеорепортажида ана шу ғоя ўз ифодасини топган.
Ўзбекистон Давлат жаҳон тиллари университетининг халқаро журналистика факультети талабаси Ҳуррамов Беҳрузнинг “яшил макон” ҳақидаги ўқув-амалиёт репортажини эътиборингизга ҳавола қиламиз.
Gujum.uz
