Мурғаккина қалбида,
Жўш уради садоқат.
Болаларнинг наздида,
Ватан мангу муҳаббат.
Ўзбекнинг болалари,
Гўзал гул, лолалари.
Боғларида чамангул,
Хушовоз саъва, булбул,
Ял-ял бўлиб атиргул,
Яшнагай Ватан буткул,
Ўзбекнинг болалари,
Гўзал гул, лолалари.
Меҳнатда кўкрак керар,
Қўли гул, ҳунари зар,
Гўзалликда нақшинкор,
Жасур, полвон, бетакрор,
Ўзбекнинг болалари,
Гўзал гул, лолалари.
