Тошкент шаҳар Яккасарой тумани Мудофаа ишлари бўлими, туман маданият бўлими, туман халқ таълими ва миллий гвардия ҳамкорлигида тумандаги 172-сонли умумталим мактабида «Амир Темур издошлари» мавзуида ҳарбий спорт мусобақаси ўтказилди.
Беллашувда тумандаги 48-, 135-, 144-, 172- мактабларнинг 10-11-синф ўқувчилари ҳамда Мудофаа вазирлигига қарашли ҳарбий тиббий академияси курсантлари иштирок этиб, спортнинг ҳарбийлаштирилган эстафета, жабрланувчига биринчи ёрдам кўрсатиш, сафда қўшиқ айтиш, турникда тортилиш, арқон тортиш бўйича куч синашдилар.
Мусобақани ташкил этишдан асосий мақсад ўқувчи-ёшларни ҳарбий- амалий спорт мусобақаларига кенг жалб этиш орқали уларнинг бўш вақгини мазмунли ташкил этиш, ўзаро маданий-спорт алоқаларини йўлга қўйиш ҳамда ёшларни спорт ўйинларига оммавий тарзда жалб қилиш, соғлом турмуш тарзига риоя қиладиган, дастлабки ҳарбий ва психологик тайёргарликка эга, буюк аждодларимиз каби мард, жасур, ҳалол, жисмонан бақувват, билимли, кенг дунё қарашли, ватанпарвар, масъулиятли, қийин ва хавфли вазиятларда тўғри ҳаракатланиш кўникмаларини эгаллаган баркамол авлодни тарбиялашдан иборатдир.
Тадбир якунида ғолибларга масъул ташкилотлар томонидан эсдалик совғалари топширилди.
Яккасарой туман ҳокимлиги Матбуот хизмати
