Toshkent shahar Yakkasaroy tumani Mudofaa ishlari boʻlimi, tuman madaniyat boʻlimi, tuman xalq taʼlimi va milliy gvardiya hamkorligida tumandagi 172-sonli umumtalim maktabida «Amir Temur izdoshlari» mavzuida harbiy sport musobaqasi oʻtkazildi.
Bellashuvda tumandagi 48-, 135-, 144-, 172- maktablarning 10-11-sinf oʻquvchilari hamda Mudofaa vazirligiga qarashli harbiy tibbiy akademiyasi kursantlari ishtirok etib, sportning harbiylashtirilgan estafeta, jabrlanuvchiga birinchi yordam koʻrsatish, safda qoʻshiq aytish, turnikda tortilish, arqon tortish boʻyicha kuch sinashdilar.
Musobaqani tashkil etishdan asosiy maqsad oʻquvchi-yoshlarni harbiy- amaliy sport musobaqalariga keng jalb etish orqali ularning boʻsh vaqgini mazmunli tashkil etish, oʻzaro madaniy-sport aloqalarini yoʻlga qoʻyish hamda yoshlarni sport oʻyinlariga ommaviy tarzda jalb qilish, sogʻlom turmush tarziga rioya qiladigan, dastlabki harbiy va psixologik tayyorgarlikka ega, buyuk ajdodlarimiz kabi mard, jasur, halol, jismonan baquvvat, bilimli, keng dunyo qarashli, vatanparvar, masʼuliyatli, qiyin va xavfli vaziyatlarda toʻgʻri harakatlanish koʻnikmalarini egallagan barkamol avlodni tarbiyalashdan iboratdir.
Tadbir yakunida gʻoliblarga masʼul tashkilotlar tomonidan esdalik sovgʻalari topshirildi.
Yakkasaroy tuman hokimligi Matbuot xizmati
