Фарғона вилояти Қўқон шаҳрида жорий йил 21-23 сентябрь кунлари II Халқаро ҳунармандчилик фестивали бўлиб ўтди. Тадбирда 70 дан зиёд мамлакатдан 260 нафардан ортиқ моҳир ҳунармандлар иштирок этиб, ўз халқининг гўзал анъаналарини намоён қилишди..
Фестивалнинг якуний маросимида ғолиб ва совриндорларга пул мукофотлари ҳамда дипломлар топширилди. Халқаро фестивалда сурхондарёлик аёллар ҳам ғолиблар сафидан ўрин олишди.
Хусусан, Сурхондарё вилояти вакиллари – Мафтуна Азизова (Ангор тумани) 25 метрлик гилам учун “Энг яхши ҳунарманд” йўналиши бўйича 1-ўринни, Нилуфар Гулбоева (Қумқўрғон тумани) “Энг ёш ҳунарманд” номинациясида, Иқлима Тошбоева (Шўрчи тумани) “Энг яхши каштачи” йўналишида ғолибликни қўлга киритди.
