Бугун, 26 ноябрь – Халқаро ахборот куни

Халқаро ахборотлаштириш академияси ташаббуси билан 1992 йил 26 ноябрь куни ташкил этилган Биринчи халқаро ахборот форуми доирасида ушбу кунни дунё миқёсида Халқаро ахборот куни сифатида нишонлаш таклиф этилган.

Бу сана ЮНЕСКО ҳамкорлигида 1994 йилдан бери дунёнинг турли мамлакатларида нишонлаб келинади.

Ҳозирги глобаллашув даврида ахборот оқими шунчалар кўпки, мазкур кунни нишонлашдан мақсад ҳар бир инсоннинг холис ва ҳаққоний ахборот олиш ҳуқуқини таъминлашга қаратилгани билан муҳим аҳамият касб этади.

Маълумотларга кўра, ахборотлар ҳажми дунёда ҳар икки йилда икки бараварга ортиб бормоқда.