Kecha Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida Buyuk Britaniya davlat kommunikatsiyalar xizmati (GCS) Strategik kommunikatsiyalar boʻlimi boshligʻi Jeymi Ballantayn rahbarligidagi delegatsiya bilan uchrashuv boʻlib oʻtdi.
Muloqot davomida aholi va jahon hamjamiyatiga Oʻzbekistondagi islohotlarning mazmun-mohiyati, natijalari haqida tezkor, xolis va toʻlaqonli axborot yetkazish maqsadida vazirlik va davlat idoralari axborot xizmatlari faoliyatini takomillashtirish boʻyicha hamkorlik masalalari, ushbu yoʻnalishda qoʻshma loyihalarni amalga oshirish istiqbollari muhokama qilindi.
