Germaniyadagi “Yashillar” partiyasidan kanslerlikka nomzod Annalena Berbok oʻzining “Shimoliy oqim-2” loyihasiga qarshi boʻlishining uch sababini aytdi.
“Menimcha, bu loyiha – katta xato”, dedi siyosatchi “Ouest-France” jurnaliga bergan intervyusida. Uningcha, birinchidan – loyiha Ukraina xavfsizligiga tahdid, ikkinchidan – Yevropa energetik mustaqilligiga rahna soladi, uchinchidan – iqlim siyosati boʻyicha ham xato ish hisoblanadi.
“Agar Yevropa iqlim iqlim boʻyicha xolis boʻlmoqchi boʻlsa, Rossiya gazining olib kelinishi – notoʻgʻri yoʻl”, dedi u.
Ayni paytda u “toʻgʻri yoʻl”, deb nimani nazarda tutishiga aniqlik kiritmadi.
Manbaa: OʻzA
