Koreyaning yetakchi jurnallaridan biri «The Korea Post» saytida «If the economy is an organism ensuring the vital activity of society, spirituality is its heart and soul» («Jamiyat hayotining tanasi iqtisodiyot boʻlsa, uning joni va ruhi maʼnaviyatdir») sarlavhali maqola eʼlon qilindi.
Unda yaqinda Prezident Shavkat Mirziyoyev raisligida maʼnaviy-maʼrifiy ishlar tizimini tubdan takomillashtirish, bu borada davlat va jamoat tashkilotlarining hamkorligini kuchaytirish masalalari boʻyicha oʻtkazilgan yigʻilish natijalari eʼtirof etilgan.
Taʼkidlash joizki, xalqaro media makon soʻnggi yillarda Oʻzbekistonda amalga oshirilayotgan keng koʻlamli islohotlarni katta qiziqish bilan kuzatmoqda.
