Xatchinson-Gilford sindromi gen mutatsiyasiga bogʻliq boʻlib, u 2-3 yoshdagi bolalarda paydo boʻlishi mumkin boʻlgan noyob genetik kasallikdir. Bunday kasalligi boʻlgan bolaning terisi tez qariydi, sochi toʻkiladi va suyak massasi yoʻqoladi. Maʼlumotlarga koʻra, dunyoda 65 nafardan ortiq bola ushbu kasallikka chalingan, deya xabar beriladi uza.uz saytida
Amerikalik olimlar Xatchinson-Gilford sindromi boʻlgan bolalardagi hujayra funksiyasi mexanizmini oʻrganish asosida bu kasallik sabablarini aniqladi, deb xabar beradi RIA Novosti.
Unga koʻra, organizmning erta qarishi hujayra boʻlinishi va immunitet tizimi ishlashining buzilgani bilan bogʻliq ekan. Bu AQSHdagi Sent-Luis universiteti tadqiqotchilarining xulosasi. Ammo bu jarayon D vitamini yordamida ijobiy tomonga oʻzgarishi, yaʼni u hujayraning holatini yaxshilashi va yoshartirishi ham mumkin.
