Xitoy poytaxtida oʻtkazilayotgan qishki Olimpiya oʻyinlarining ikkinchi kuni ham ortda qoldi. Birinchi kun kabi bugun ham bir qancha medallar jamlanmasi oʻz egalariga topshirildi.
Bugun Rossiya Olimpiya qoʻmitasi, Germaniya, Avstraliya, Yaponiya, Yangi Zalendiya kabi terma jamoalar oʻzlarining ilk oltin medallarini qoʻlga kiritishdi. Kecha qoʻlga kiritilgan 2 ta oltin medalga bugun yana bir bronza qoʻshgan norveglar hamon peshqadamlik qilmoqda.
Oltin, kumush, bronza medallarini jamgʻarish boʻyicha Norvegiyadan keyingi oʻrinlarda Shvetsiya va Rossiya Olimpiya qoʻmitasi turibdi. Shuningdek, Niderlandiya, Avstraliya, Yaponiya, Sloveniya, Xitoy, Yangi Zelandiya, Italiya, AQSH mamlakatlariga ham medallar nasib qildi.
Qishki Olimpiya oʻyinlarida yurtimizdan bir sportchi Komiljon Toʻxtaev qatnashmoqda.
J. SAʼDULLAYEV tayyorladi.
