Abu-Dabida boʻlib oʻtayotgan UFC 257 aralash yakkakurashlar musobaqasining asosiy turnirida oʻzbekistonlik Maxmud Murodov amerikalik Endryu Sanchesga qarshi maydonga tushdi.
Biz bellashuvni uzreporttv da qiziqish bilan tomosha qildik. Oʻrta vazn toifasida boʻlib oʻtgan jangning birinchi raundida-yoq hamyurtimizning ustunligi sezildi.
Jangdagi hal qiluvchi lahza uchinchi raund daqiqalarida sodir boʻldi, Sanches ajoyib zarbalarni yaratgan Muradovning bosimiga dosh berolmadi. Amerikalikning qarshilik qila olmasligini koʻrgan hakam jangni toʻxtatdi.
Maxmud Murodov UFC musobaqasida qatnashayotgan oʻzbekistonlik birinchi sportchidir. U Oʻzbekiston bayrogʻini koʻtarib, jang maydonini quvonch bilan aylandi.
J. SAʼDULLAYEV tayyorladi.
