Azadboyev Feruzbek Xorazm viloyati, Gurlan tumani 33-son maktabning 5-sinf oʻquvchisi:
“Olim bola ertaklari” kitobini oʻqib tugatdim. U oʻzbek xalq ertaklari asosida tayyorlangan boʻlib, yosh kitobxonlar va farzandlariga oʻqib berish uchun ota-onalarga moʻljallangan. Ertaklar sahovat, raxmdillikni, devyurakligini, sabr-matonatni, yaxshilikni qadrlashni, kattaga hurmat, kichikka izzat koʻrsatishni tarbiyalaydi. Bu kitobni men buvimning tavsiyasi bilan oʻqidim. Buvim bilan fikrlashdim. Oʻqiganlarimni gapirib berdim. Ayniqsa, menga “Ayyor bilan sodda”, “Ochkoʻz boy”, “Oltin olma” ertaklari juda yoqadi.
Ayni kunda “Mening birinchi ensiklopediyam” turkumidan chop etilgan “Gʻaroyib oʻsimliklar, suv oʻsimliklari va oʻrmon oʻsimliklari” kitobini oʻqishga boshladim. Ushbu kitob menga dunyoning turfa oʻsimliklari bilan tanishish imkonini yaratmoqda. Oʻzbekistonda yoʻq gʻaroyib oʻsimliklar haqida maʼlumotlarni oʻqiyapman. Yana rasmlarining gʻaroyibligini koʻrsangiz lol qolasiz. Tengdoshlarimga oʻqishni tavsiya qilaman.
Buvijonimga raxmat. Shunday goʻzal qiziqarli kitoblarni oʻqishni tavsiya qilayotgani uchun xursandman. Buvijonim oʻqituvchilar. Biz qanday kitob oʻqishimiz kerakligini yaxshi biladilar. Oʻqiganlarimizni gapirib berishga oʻrgatadilar. Biz bilan fikrlashadilar.
