Мамлакатимизда кенг ўтказилган “Китобхонлик ҳафталиги” доирасида Алишер Навоий номидаги Миллий кутубхонада 9 апрель куни Соҳибқирон Амир Темур ҳаёти ва фаолиятига бағишлаб викторина ва ушбу мавзуда билимдонлар танлови ҳамда Ўзбекистон Республикасида хизмат кўрсатган журналист Раъно Зарипованинг “Она юртинг– олтин бешигинг” номли муаллифлик китобининг тақдимоти ўтказилди.
Тадбир Миллий кутубхона, Тошкент шаҳар “Билим” ахборот кутубхона маркази, “Соғлом она ва бола” маркази ҳамда “Олтин қалқон” ҳарбий кичик академияси ҳамкорлигида онлайн ҳамда офлайн тарзда бўлиб ўтди.
