“Yangi Oʻzbekistonda erkin va farovon yashaylik!” gʻoyasi asosida fuqarolik jamiyati institutlarining maʼnaviy-maʼrifiy va targʻibot-tashviqot loyihalariga davlat grantlari ajratish uchun qoʻshimcha beshinchi tanlovni EʼLON QILADI
Tanlovga nodavlat notijorat tashkilotlari va fuqarolik jamiyatini boshqa institutlarining quyidagi yoʻnalishlardagi ijtimoiy ahamiyatga molik loyihalari qabul qilinadi:
- “Temir”, “Ayollar”, “Yoshlar” va “Mehr” daftarlariga kiritilgan shaxslarning siyosiy-huquqiy, ijtimoiy-iqtisodiy, maʼnaviy-maʼrifiy hayoti darajasini yaxshilashga koʻmaklashish.
- Davlat organlari faoliyatida ochiqlik va oshkoralikni kengaytirish, aholida maʼnaviy uygʻoqlik va ijtimoiy masʼullika asoslangan yangicha dunyoqarashni shakllantirish.
- Samarali ijtimoiy sheriklik asosida manzilli qoʻllab-quvvatlash daftarlariga kiritilgan shaxslarga shart-sharoit va imkoniyatlar yaratish.
- Keksalar, nogironlar, ogʻir ahvolga tushib qolgan insonlarni qoʻllab-quvvatlash, ularga mehr va muruvvat koʻrsatishda davlat organlariga koʻmaklashish.
- Mahalla, qishloq va ovullarning rivojlantirish nuqtalarini belgilashda ijtimoiy sheriklik va jamoatchilik nazorati mexanizmlarini yoʻlga qoʻyish.
- Uy xoʻjaligini yangi ish oʻrinlari yaratishga va daromadlar manbaiga transformatsiyalash.
- Aql, ilm-fan, intellektual salohiyat, bilim va tajribani mahallalarning iqtisodiy rivojlantirish nuqtasi va resurs manbasiga aylantirish.
- Sogʻliqni saqlash sohasidagi korrupsiya holatlarini oldini olishga qaratilgan jamoatchilik nazoratining taʼsirchan mexanizmlarini joriy etish.
- Aholining tibbiy madaniyatini oshirishda va sogʻlom turmush tarzi tamoyillarini keng targʻib etishda jamoat tashkilotlari faolligini oshirish.
- Jamiyatda huquqiy va axloqiy saviyani, muloqot madaniyatini yuksaltirish, maʼnaviy-maʼrifiy, madaniy-gumanitar sohada insonparvarlik ruhini kuchaytirish.
- Xalq bilan muloqotda hamda joylardagi muammolarini tizimli hal qilishda ijtimoiy sheriklik va jamoatchilik nazorati mexanizmlarini kuchaytirish.
- Nuroniylarni ijtimoiy qoʻllab-quvvatlash, ularning boy tajribasi, foydali maslahatlarini yoshlarga chinakam tarbiya maktabi sifatida singdirish.
- “Obod qishloq”, “Obod mahalla”, “Yoshlar kelajagimiz”, “Har bir oila tadbirkor” kabi dasturlar ijrosida fuqarolik jamiyati institutlarining tashabbuslarini qoʻllab-quvvatlash.
Davlat granti ajratish uchun quyidagi hujjatlar taqdim etiladi:
- Tashkilot rahbari tomonidan imzolangan va muhr bilan tasdiqlangan kuzatuv xati.
- www.foundngo.uz veb-saytida joylashtirilgan shaklda toʻldirilgan davlat granti loyihasi uchun ariza.
- Oxirgi oʻzgartish va qoʻshimchalar bilan davlat roʻyxatidan oʻtgan nodavlat notijorat tashkiloti va fuqarolik jamiyati boshqa institutining Ustavi (Nizomi) hamda guvohnomasining nusxalari.
- Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi.
- Manfaatdor davlat va jamoat tashkilotlarining tavsiya hamda qoʻllab-quvvatlash xatlari.
Bitta loyiha uchun ajratiladigan grant miqdori – 50 million soʻmgacha.
Hujjatlar 2021 yil 25 avgustidan -28 sentyabrigacha qabul qilinadi.
Hujjatlar Oʻzbekiston Respublikasi Oliy Majlisi huzuridagi nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondi nomiga “Oʻzbekiston pochtasi” orqali yuboriladigan muhrlangan konvertlarda (A4 formatda) quyidagi manzil boʻyicha qabul qilinadi: 100035, Toshkent shahri, Bunyodkor koʻchasi, 1-uy.
Hujjatlarni taqdim etish shartlari va namunalari bilan Oliy Majlis huzuridagi jamoat fondining www.fondngo.uz rasmiy veb-saytida tanishish mumkin.
Maʼlumot uchun telefonlar: (0-371) 239-26-76, 239-26-86.
