Davlat idoralaridagi koʻp yillik samarali mehnati, mamlakatimiz mustaqilligini mustahkamlash, uning iqtisodiy qudratini yuksaltirish, yurtimizda keng koʻlamli islohotlarni, yirik bunyodkorlik loyihalarini muvaffaqiyatli amalga oshirish, hududlarni kompleks rivojlantirish borasidagi ulkan xizmatlari, tashabbuskorlik va tashkilotchilik fazilatlari bilan Vatanimiz taraqqiyoti va xalqimiz farovonligini oshirishga qoʻshayotgan katta hissasi, yosh avlodni ona yurtga sadoqat ruhida tarbiyalash, yuqori malakali kadrlarni tayyorlash yoʻlidagi ibratli faoliyati hamda tavalludining 60 yilligi munosabati bilan Oʻzbekiston Respublikasi Bosh vazirining birinchi oʻrinbosari Achilbay Jumaniyazovich Ramatov «Mehnat shuhrati» ordeni bilan mukofotlansin.
Oʻzbekiston Respublikasi Prezidenti Sh.Mirziyoyev
