Shavkat Mirziyoyev poytaxtimizning Abdulla Qodiriy nomidagi madaniyat va istirohat bogʻiga tashrif buyurib, bogʻni zamonaviy parkka aylantirishga qaratilgan loyihalar bilan tanishdi.
Davlatimiz rahbari bogʻ markazida Abdulla Qodiriyning muhtasham haykalini oʻrnatish, bogʻni boshqalardan ajralib turadigan qilib qurish, bu yerda adib yashagan davrni aks ettirish zarurligini taʼkidladi.
Chorsu bozori va Gulbozor mahallasida bunyodkorlik ishlarini amalga oshirish, bu tarixiy joyda turizmni rivojlantirish boʻyicha topshiriqlar berildi.
Prezidentimiz shu yerda mahalla faollari va ziyolilar bilan suhbatlashdi, deya xabar beriladi prezident. uz saytida.
