Bolgariya poytaxti Sofiya shahrida badiiy gimnastika boʻyicha Jahon kubogi nihoyasiga yetdi.
Jahon kubogida lenta bilan mashqlar yoʻnalishida hamyurtimiz Sabina Tashkenbayeva final bosqichida beshinchi natijani qayd etdi. Mazkur yoʻnalishda dunyoning 30 ta davlatidan tashrif buyurgan 57 nafar gimnastikachi ishtirok etganligini qayd etish lozim.
Jamoaviy bellashuvlarda esa qizlarimiz 3 ta toʻp va 2 ta arqon mashqlarida 18 ta jamoa ichida sakkizinchi oʻrinni egallashdi.
