“Davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlarini tasdiqlash toʻgʻrisida”gi Hukumat qarori bilan 2025-yil 1-yanvardan boshlab, davlat maktabgacha taʼlim tashkilotlarida bolalar taʼminoti uchun ota-onalar toʻlovining yangi miqdorlari tasdiqlandi.
Yaʼni, bogʻcha puli 2024-yil 1-iyundan 20% ga oshgan boʻlsa, 2025-yil 1-yanvardan boshlab, yana 10%ga oshmoqda. Misol uchun, Toshkent shahridagi Davlat maktabgacha taʼlim tashkilotlarida bolalarning kunlik boʻlish vaqtiga qarab, narxlar quyidagicha oshmoqda:
- tashkilotga boradigan oiladagi bitta bolaga 4-5 soat uchun 51.000 soʻm, agar tashkilotga oiladan bittadan ortiq bola borsa, har bir bolaga 34.000 soʻmdan tushadi;
- tashkilotga boradigan oiladagi bitta bolaga 9 soat uchun 272.000 soʻm, agar tashkilotga oiladan bittadan ortiq bola borsa, har bir bolaga 194.000 soʻm;
Manbaa: OʻzA
