Al Beruniy — Xorazmning Kat (hozirgi Beruniy tumani) shahrida tugʻilgan buyuk alloma, tarix, geografiya, filologiya, astronomiya, matematika, geodeziya, mineralogiya, farmakologiya, geologiya va boshqa koʻplab fanlarda oid qomusiy asarlar muallifi. U Oʻrta Sharqda ilk bor Yer Quyosh atrofida aylanishi mumkinligini aytib, Yerning aylana oʻlchamini aniqlagan.
Amerikalik tarixchi Dj.Sarton buyuk olim haqida: “Astronomiya va matematika, astrologiya va joʻgʻrofiya, antropologiya va etnografiya, arxeologiya va falsafa, botanika va minerologiya Beruniyning buyuk nomisiz qashshoqlashib qolgan boʻlardi” degan.
YUNESKO Ijroiya Kengashi 211-sessiyasida buyuk olim Abu Rayhon Beruniy (973-1048) tavalludining 1050 yilligini YUNESKO shafeligida 2022-2023 yillarda keng nishonlash boʻyicha qaror qabul qilingan.
