Oʻzbekiston Respublikasi Prezidenti Shavkat Mirziyoyevning taklifiga binoan Koreya Respublikasi Prezidenti Mun Chje In davlat tashrifi bilan mamlakatimizga keldi, deya xabar beriladi prezident. uz rasmiy veb- saytida.
19 aprel kuni Koʻksaroy qarorgohida oliy martabali mehmonni rasmiy kutib olish marosimi boʻldi. Davlat rahbarlari shohsupaga koʻtarildi. Oʻzbekiston Respublikasi va Koreya Respublikasi davlat madhiyalari yangradi. Prezidentlar faxriy qorovul safi oldidan oʻtdi.
Marosimda Oʻzbekiston va Janubiy Koreya rasmiy delegatsiyasi aʼzolari, mamlakatimizdagi diplomatik korpus vakillari ham hozir boʻldi.
