Xalqaro qilichbozlik federatsiyasi Parij-2024 yozgi Olimpiya oʻyinlarida ishlaydigan hakamlar roʻyxatini eʼlon qildi.
Ular orasida vatandoshimiz, xalqaro toifadagi hakam Dilorom Turdiqulova ham borligi quvonarlidir.
Turdiqulova boʻlajak Olimpiadada shpaga yoʻnalishidagi bellashuvlarni boshqarib boradi. 2018 yildan beri xalqaro musobaqalarda faoliyat yuritayotgan yurtdoshimiz koʻplab nufuzli turnirlar, Osiyo oʻyinlari va qitʼa chempionatida xalqaro sudya maqomida ishlagan.
Joriy yil Milanda oʻtgan dunyo birinchiligida ham shpaga yoʻnalishidagi final bahslarida sudyalik qildi.
