Oʻzbekiston Respublikasi Prezidenti Shavkat Mirziyoyevning taklifiga binoan Germaniya Federativ Respublikasi Prezidenti Frank-Valter Shtaynmayer 27 may kuni rasmiy tashrif bilan mamlakatimizga keldi
28 may kuni Koʻksaroy qarorgohida oliy martabali mehmonni rasmiy kutib olish marosimi boʻldi. Prezidentlar shohsupaga koʻtarildi. Davlat madhiyalari yangradi. Shavkat Mirziyoyev va Frank-Valter Shtaynmayer faxriy qorovul safi oldidan oʻtdi.
Marosimda Oʻzbekiston va Germaniya rasmiy delegatsiyalari aʼzolari, mamlakatimizdagi diplomatik korpus vakillari ham hozir boʻldi.
