Xorazm viloyat Urganch tumanida “Sarvarabonu” nodavlat taʼlim muassasasi oʻz faoliyatini boshladi.
Gʻoybu qishlogʻi Hojiboylar mahallasida ochilgan ushbu muassasa bolalarning taʼlim-tarbiyasi uchun barcha sharoitlar zamonaviy taʼlim talablari asosida tashkil etilganligi bilan ajralib turadi.
“Biz taʼlim va tarbiya tizimining barcha bugʻunlari faoliyatini bugungi zamon talablari asosida takomillashtirishni oʻzimizning birinchi darajali vazifamiz deb bilamiz”. Mamlakatimiz Prezidentining ushbu soʻzlarini oʻziga shior qilib olgan Xorazm viloyati taʼlim maskani vakillari samarali ishlarni amalga oshirayotganini ushbu goʻzal maskan ham ifodalab turibdi. Bu qishloq bolalariga munosib armugʻon boʻlibdi”.- dedi ushbu bolalar muassasining ochilishida ishtirok etgan Oʻzbekiston Yozuvchilar uyushmasi viloyat boʻlimi rahbari, shoira Gavharjon Ibodullayeva.
Elyor Palvanov
