“Oʻzbekiston havo yoʻllari” Milliy aviakompaniyasida havo kemasida taqdim etiladigan yangi taomlarning birinchi taqdimoti boʻlib oʻtdi. Taqdimot marosimidan oldin Toshkentning yetakchi restoranlari: Caravan Group restoranlar tarmoqi, «Navroz», «Moviy gumbazlar», «Tryufel», «Aprel», «Sal Sal» va boshqa restoranlar vakillari sahn ovqatlari tayyorlaydigan “Ketring” Davlat unitar korxonasiga tashrif buyurishdi.
Restoratorlar oldindan sahn taomlariga qoʻyiladigan sanitariya –gigiyenik meʼyorlar va talablar, taom tayyorlashning oʻziga xos texnologik jarayoni, taomlarni saqlash, isitish va taqdim etishning oʻziga xos jihatlari bilan tanishtirildi.
Caravan Group restoranlar tarmogʻi birinchi boʻlib aviayoʻlovchilar uchun sahn taomlari turlarini takomillashtirish gʻoyasini va taomlar namunalarini taqdim etdi. Aviakompaniya mutaxassislari diqqatiga biznes klass uchun uchta variantdagi va iqtisodiy klass uchun ikki variantdagi taomlar menyusi taklif etildi. Caravan Group texnologlari tomonidan 50 xilga yaqin mahsulot turi taklif qilindi.
Xabar uzairways.com saytidan olindi.
