Oʻzbekiston Respublikasi Prezidenti Shavkat Mirziyoyev Nukus shahridagi “Imom Eshon Muhammad” masjidiga bordi. Davlatimiz rahbari oʻtgan safargi tashrifi chogʻida bu maskanni kompleks rekonstruksiya qilish toʻgʻrisida topshiriq bergan edi. Bugun bu yerda rekonstruksiya ishlari toʻliq nihoyasiga yetkazilgan. Prezident “Imom Eshon Muhammad” masjidida aholi uchun yaratilgan shart-sharoitni koʻzdan kechirib, oqsoqollar bilan suhbatlashdi.
