Бокс бўйича Ҳиндистонда бўлиб ўтган «India Open» турнири ғолиблари Ҳукумат фармойишига кўра, мусобақанинг олтин медаллари соҳиблари 25 миллион сўм, кумуш медаль соҳиблари 15 миллион сўм, терма жамоа мураббийлари эса 12 миллион сўмдан пул мукофоти билан тақдирландилар.
Ҳиндистондаги мусобақада беш нафар боксчимиз: Худойназар Файзов, Абдулҳай Шораҳматов, Бобоусмон Ботуров, Исроил Мадримов ва Баҳодир Жалоловлар олтин, икки боксчимиз: Иқболжон Холдоров, Санжар Турсунов-кумуш медални қўлга киритганди.
Ўзбекистон боксчилари «India Open» турнирида Марат Қурбонов ва Тўлқин Қиличевлар қўл остида иштирок этишган эди.
Саъдуллаев Жавлон тайёрлади.
