Oʻzbekiston karate milliy federatsiyasi binosida turkiyalik karate ustasi Yunus Demir mahorat saboqlari oʻtkazmoqda.
Federatsiya matbuot xizmatidan xabar berishicha, seminarda mamlakatimizning turli hududlaridan kelgan 100 nafardan ortiq yosh, karate ustalari jismoniy, texnik va taktik mashgʻulotlardan saboq olmoqda.
Maʼlumot uchun, Yunus Demir karatechilar sulolasining munosib davomchilaridan hisoblanib, mamlakat terma jamoasi bilan doimiy ravishda oʻquv-mashgʻulot yigʻinlarini oʻtkazadi.
Javohir TOSHXOʻJAYEV, OʻzA
