Shavkat Mirziyoyev va Gurbanguli Berdimuhamedov Toshkentdagi Maxtumquli koʻchasiga tashrif buyurdi.
Maʼlumki, Prezidentimiz tashabbusi bilan poytaxtimizning markaziy koʻchalaridan biriga buyuk turkman shoirining nomi berilgan edi. Bu yerda soʻlim xiyobon barpo etilib, atrofi yanada obod qilindi. Koʻcha boshida Maxtumquliga monument oʻrnatildi.
Davlat rahbarlari mazkur yodgorlik poyiga gullar qoʻydi.
Shavkat Mirziyoyev monumentning mazmun-mohiyati, bu yerda amalga oshirilgan ishlar haqida soʻzlab berdi.
Yaxlit ansamblga aylangan bu maskan Gurbanguli Berdimuhamedovda katta taassurot qoldirdi. Turkman xalqi, adabiyoti va madaniyatiga koʻrsatgan hurmati uchun davlatimiz rahbariga minnatdorlik bildirdi.
