Oʻzbekiston Respublikasi Prezidenti Farmoni
Xalq taʼlimi sohasidagi koʻp yillik samarali mehnati, yosh avlodni ezgu gʻoyalar, milliy va umuminsoniy qadriyatlarga hurmat, jonajon Vatanimiz va xalqimizga muhabbat, sadoqat ruhida tarbiyalash, kelajagimiz egalari boʻlgan yoshlar qalbida ilm-fan va bilimga intilish, mehnatsevarlik va bagʻrikenglik koʻnikmalarini shakllantirish va mustahkamlashga qoʻshgan katta hissasi hamda ijtimoiy hayotdagi faol ishtiroki uchun Toshkent shahri Sergeli tumani 300-maktab direktori Saidxodjayeva Nigora Ergashevnaga «Oʻzbekiston Respublikasi xalq oʻqituvchisi» faxriy unvoni berilsin.
Oʻzbekiston Respublikasi Prezidenti Sh.Mirziyoyev
