Amir Temur qabri ustidagi nefrit tosh haqida turli tuman afsonalar mavjud.
Rivoyatlarga koʻra Amir Temur qabrtoshi 1740 yilda Eron shohi Nodirshohning buyrugʻi bilan koʻchirib olib ketilgan. Ammo, shundan soʻng Nodirshoh hayotida turli noxushliklar yuz beradi. Qizi ogʻir kasallikka chalinadi. Mamlakatda zilzila yuz beradi. Amir Temurning piri Said Baraka uning tushiga kirib, toshni joyiga qaytarishni maslahat beradi.
Shundan soʻng Nodirshoh mulozimlariga qabrtoshni ortga olib borib, oʻrnatib kelishni buyuradi. Yoʻlda mulozimlar toshni yerga tushirib yuborishadi. Tosh ikkiga boʻlinadi. Shunga qaramay, toshni xuddi bus-butundek qilib, joyiga oʻrnatib ketishadi.
GUJUM.UZ
