Нукус шаҳридаги спорт мажмуасида давлатимиз раҳбарига шаҳар қурилишининг Бош режаси, шу жумладан, Нукус марказидаги янги массивда қурилиши режалаштирилаётган кўп қаватли арзон уйларнинг лойиҳаси ҳақида маълумот берилди. Шавкат Мирзиёев лойиҳалар билан танишар экан, ҳудудлар инфратузилмасини замонавий шаҳарсозлик андозалари асосида янада яхшилаш, кўприк ва кўркам биноларни бунёд этиш бўйича ўз тавсияларини берди.
