29-30 mart kunlari Chirchiq shahrida ogʻir atletika boʻyicha Oʻzbekiston Milliy olimpiya qoʻmitasi sovrini uchun musobaqa boʻlib oʻtdi.
«Navroʻz» umumxalq bayramiga bagʻishlab tashkil etilgan turnir qiziqarli, bayramona ruxda oʻtkazildi. Unda mamlakatimizning eng sara atletlari ishtirok etishdi. Dast koʻtarish va siltab koʻtarish boʻyicha oʻtkazilgan bellashuvlar yakuniga koʻra ikkikurashda vazn toifalar boʻyicha gʻolib va sovrindorlar aniqlandi.
