Oʻzbekiston Respublikasi Prezidenti Shavkat Mirziyoyevning taklifiga binoan Vengriya Bosh vaziri Viktor Orban 29 mart kuni rasmiy tashrif bilan mamlakatimizga keldi.
30 mart kuni Koʻksaroy qarorgohida oliy martabali mehmonni rasmiy kutib olish marosimi boʻldi. Shavkat Mirziyoyev va Viktor Orban shohsupaga koʻtarildi. Oʻzbekiston va Vengriya davlat madhiyalari yangradi.
Marosimda ikki mamlakat rasmiy delegatsiyasi aʼzolari ham hozir boʻldi.
Ayni paytda tor doiradagi muzokaralar boʻlib oʻtmoqda.
