Oʻzbekiston Respublikasi Prezidenti Shavkat Mirziyoyev Oʻmon Sultoni Haysam bin Toriq Ol Said nomiga Sulton Qobus bin Saidning vafot etgani munosabati bilan chuqur taʼziya izhor etib maktub yoʻlladi.
«Ul zot Sultonlik taraqqiyoti va ravnaqi, mamlakat xalqining farovonligi va xalqaro maydondagi oʻrnini har tomonlama mustahkamlash yoʻlida beqiyos saʼy-harakatlarni amalga oshirgan oʻz Vatanining chinakam fidoyi farzandi hamda xalqining cheksiz hurmatiga sazovor boʻlgan taniqli va mohir davlat arbobi edilar», deyiladi hamdardlik nomasida.
