Toshkent viloyatining Angren shahrida regbi-7 boʻyicha erkaklar va ayollar oʻrtasida 20 yosh toifasidagi Osiyo chempionati boʻlib oʻtdi.
Unda ishtirok etgan yurtdoshlarimiz kumush medallarga sazovor boʻlishdi. Oʻzbekistonlik yoshlar hal qiluvchi bellashuvda BAA vakillariga qarshi maydonga tushishdi. Murosasiz oʻyinda mehmonlarning qoʻli baland keldi. Bronza medallari esa malayziyalik regbichilarga nasib etdi.
Regbi-7 boʻyicha Osiyo chempionatida erkaklar bellashuvida birinchi oʻrin BAAga, ikkinchi oʻrin Oʻzbekistonga, uchinchi oʻrin Malayziyaga nasib qildi. Ayollar musobaqasida esa BAA, Hindiston, Tailand regbichilari peshqadam boʻlishdi.
