Oʻzbekiston Jurnalistlari ijodiy uyushmasida kutubxona va oʻquv burchagini oʻz ichiga olgan maʼnaviyat xonasi foydalanishga topshirildi
Ushbu maʼnaviyat xonasida jurnalistika sohasiga oid turli qoʻllanmalardan tashqari, uch yuz nomga yaqin olti yuz donadan ziyod turli adabiyotlar oʻrin olgan. Shuningdek, oʻttizdan koʻproq markaziy gazeta va jurnallarning har bir soni bilan tanishishingiz mumkin, ularning elektron bazasi ham shakllantirilmoqda.
Tadbirda Axborot va ommaviy kommunikatsiyalar agentligi direktori Asadjon Xodjayev, Oʻzbekiston Yozuvchilar uyushmasi raisi oʻrinbosari Gʻayrat Majidov uyushmaga oʻz tashkilotlari nomidan uch yuzga yaqin turli adabiyotlarni armugʻon qilishdi.
