Oʻzbekiston Respublikasi Prezidenti Shavkat Mirziyoyevning Armaniston Respublikasi Bosh vaziri Nikol Pashinyan bilan 12 iyul kuni boʻlib oʻtgan telefon orqali muloqotida ikki tomonlama munosabatlarni, eng avvalo, savdo-iqtisodiy va madaniy-gumanitar sohalarda rivojlantirish masalalari koʻrib chiqildi, deya xabar beriladi prezident. uz rasmiy veb- saytida.
Armaniston hukumati rahbari mamlakatimiz yetakchisini Prezident saylovidagi ishonchli gʻalabasi bilan tabriklab, katta muvaffaqiyatlar va baxt-saodat tiladi.
Suhbatda amaliy hamkorlik loyihalarini ilgari surish maqsadida Hukumatlararo komissiyaning birinchi yigʻilishi hamda qoʻshma ishbilarmonlik tadbirlarini oʻtkazish muhimligi alohida taʼkidlandi.
