Oʻzbekiston Respublikasi Prezidenti Shavkat Mirziyoyev Turkmaniston Prezidenti Serdar Berdimuhamedovning taklifiga binoan 10 oktyabr kuni amaliy tashrif bilan Ashxobod shahriga keldi, deya xabar beriladi prezident. uz rasmiy veb- saytida.
Davlatimiz rahbari 11 oktyabr kuni turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan xalqaro forumda ishtirok etadi hamda qator ikki tomonlama uchrashuvlar oʻtkazadi.
Davlatimiz rahbarini aeroportda Turkmaniston Vazirlar Mahkamasi Raisining oʻrinbosari Tangriguli Ataxalliyev va boshqa rasmiy shaxslar kutib oldi.
Asosiy tadbirlar ertaga, 11 oktyabr kuni boʻlib oʻtadi.
Oʻzbekiston yetakchisi turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan » Zamon va sivilizatsiyalarning oʻzaro bogʻliqligi – tinchlik va taraqqiyot asosi» xalqaro forumining yalpi majlisida nutq soʻzlaydi.
