Oʻzbekiston Respublikasi Prezidenti Shavkat Mirziyoyev AQSHga amaliy tashrifi doirasida “Cintana” kompaniyasi rahbari Duglas Bekker bilan uchrashuv oʻtkazdi, deya xabar beriladi prezident. uz rasmiy veb- saytida.
Ushbu kompaniya Arizona davlat universiteti bilan hamkorlikda tashkil etilgan boʻlib, dunyoning 30 mamlakatida faoliyat yuritadi, universitetlarda taʼlim sifatini oshirish bilan shugʻullanadi.
“Cintana” asoschisi va raisi Duglas Bekker Arizona davlat universiteti bilan hamkorlikda mamlakatimizda Amerika texnologiyalar universitetini tashkil etish ustida ish olib bormoqda.
2024 yildan boshlab sogʻliqni saqlash, injiniring, arxitektura va dizayn kabi yoʻnalishlarda malakali kadrlar tayyorlashni boshlash koʻzda tutilgan.
Davlatimiz rahbari ushbu rejalarni maʼqullab, Oʻzbekiston taʼlim sohasidagi loyihalarni amalga oshirish uchun qulay sharoitlar yaratishga tayyorligini bildirdi.
