Oʻzbekiston Respublikasi Prezidenti Shavkat Mirziyoyev amaliy tashrif bilan Qirgʻizistonning Choʻlponota shahriga keldi, deya xabar beriladi prezident. uz rasmiy veb- saytida.
Aeroportda davlatimiz rahbarini Qirgʻiz Respublikasi Vazirlar Mahkamasi Raisi — Prezident Administratsiyasi rahbari Aqilbek Japarov va boshqa rasmiy shaxslar kutib oldi.
Bugun Choʻlponotada ikkinchi “Markaziy Osiyo – Yevropa Ittifoqi” sammiti boʻlib oʻtadi. Uning kun tartibidan mintaqamiz mamlakatlarining Yevroittifoq bilan konstruktiv muloqotini yanada rivojlantirish va amaliy hamkorligini kengaytirish masalalari oʻrin olgan.
