Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Ўзбекистон Республикаси Президенти лавозимига қайта сайланганингиз муносабати билан самимий табрикларимни қабул қилгайсиз.
Ушбу ғалаба Сизнинг ички ва иқтисодий сиёсатдаги ислоҳотларингиз натижасидир. Бу Сизнинг миллий давлатчиликни мустаҳкамлаш, халқ фаровонлигини юксалтириш борасидаги ташаббусларингиз ҳамда миллий манфаатларни минтақавий ва халқаро майдонда илгари суриш бўйича позициянгиз Ўзбекистон фуқаролари томонидан қўллаб-қувватланаётгани ифодаси ҳамдир.
Мамлакатингиз Сизнинг раҳбарлигингиз остида бундан буён ҳам жадал ривожланиши ва равнақ топишини тилайман.
Қозоғистон ва Ўзбекистон кўп асрлик ўзаро ҳурмат ва яхши қўшничилик анъаналарига асосланган ҳар томонлама стратегик шерикликни мустаҳкамлаб боришига ва халқларимиз фаровонлиги йўлида изчил тараққий этишига ишонаман.
Ўзаро ҳурмат ва англашувга асосланган дўстлигимизни юксак қадрлайман. Келажакда халқларимиз фаровонлиги йўлида яна бир бор учрашишимизга умид қиламан.
Фурсатдан фойдаланиб, ҳурматли Шавкат Миромонович, Сизга мустаҳкам соғлик ва битмас-туганмас куч-ғайрат, оилангизга бахт-саодат, биродар Ўзбекистон халқига эса тинчлик-осойишталик ва равнақ тилайман!
Самимий тилаклар ила
Нурсултон Назарбоев,
Қозоғистон Республикасининг
Биринчи Президенти — Элбоши
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Ўзбекистон Республикасида ўтган Президент сайловидаги ғалабангиз муносабати билан самимий қутловларимни қабул қилгайсиз.
Овоз бериш натижалари Сизнинг мамлакат равниқини таъминлаш, унинг халқаро майдондаги нуфузини изчил ошириш ва биродар ўзбек халқининг фаровонлигини юксалтиришга қаратилган оқилона сиёсатингиз умумхалқ миқёсида қўллаб-қувватланаётганидан далолат беради.
Ишончим комил, Туркманистон ва Ўзбекистон ўртасидаги яхши қўшничилик, дўстлик ва ўзаро англашув тамойилларига асосланган дўстона ва илиқ муносабатлар бундан буён ҳам халқларимизнинг ёрқин келажаги йўлида жадал ривожланишда давом этади.
Ушбу қувончли фурсатдан фойдаланиб, Сизга, муҳтарам Шавкат Миромонович, мустаҳкам соғлик, бахт-саодат, давлат раҳбари лавозимидаги масъулиятли фаолиятингизга муваффақиятлар, биродар Ўзбекистон халқига эса тинчлик-осойишталик ва равнақ тилайман.
Чуқур ҳурмат билан
Гурбангули Бердимуҳамедов,
Туркманистон Президенти
Ўзбекистон Республикаси Президенти
Шавкат Мирзиёев Жаноби Олийларига
Сизни Ўзбекистон Республикаси Президенти лавозимига катта ишонч билан қайта сайланганингиз билан дилдан қутлайман.
Умуммиллий овоз бериш натижаларига кўра эришилган дадил ғалабангиз Сизнинг Янги Ўзбекистонни – ижтимоий-иқтисодий ҳаётдаги улкан ютуқларга эришган, социал-иқтисодий жиҳатдан барқарор ривожланаётган, халқаро майдонда юксак обрў-эътиборга сазовор мамлакатни барпо этиш ғоясини рўёбга чиқаришга қаратилган стратегик саъй-ҳаракатларингиз умумхалқ миқёсда қўллаб-қувватланаётганидан далолат беради.
Қозоғистонда Сизни биродар халқларимиз ўртасидаги ҳамкорликни изчил ривожлантириш, дўстлик ва яхши қўшничиликни мустаҳкамлашнинг қатъий тарафдори сифатида билишади ва ҳурмат қилишади.
Ишончим комил, биргаликдаги саъй-ҳаракатлар билан икки томонлама стратегик шериклигимизни мамлакатларимиз ва бутун Марказий Осиё манфаатлари йўлида янада юксак даражага олиб чиқишга қодирмиз.
Кун тартибидаги барча долзарб масалаларни муҳокама қилиш учун Сизни яқин вақтда Қозоғистон Республикасига давлат ташрифи билан келишга таклиф этаман.
Фурсатдан фойдаланиб, ҳурматли Шавкат Миромонович, Сизга Ватан ва халқ хизматидаги фидокорона фаолиятингизга янги муваффақиятлар тилайман.
Ҳурмат ила
Қасим-Жомарт Тоқаев,
Қозоғистон Республикаси Президенти
Ўзбекистон Республикаси Президенти
Шавкат Мирзиёев Жаноби Олийларига
Қадрли Шавкат Миромонович!
Ўзбекистон Республикаси Президентидек юксак лавозимга қайта сайланганингиз муносабати билан Сизга самимий табрикларим ва энг эзгу тилакларимни йўллаш менга катта мамнуният бағишлайди.
Сизга мустаҳкам соғлик, фаровонлик, дўст Ўзбекистоннинг барқарор тараққиёти йўлидаги фаолиятингиз янада сермаҳсул бўлишини, биродар ўзбек халқига эса тинчлик-осойишталик, барқарорлик ва равнақ тилайман.
Президент сайловидаги ишончли ғалабангиз Сизнинг мамлакатни изчил ривожлантириш ва халқаро майдондаги нуфузини мустаҳкамлашга қаратилган сиёсатингиз бутун халқ томонидан қўллаб-қувватлаётганининг яна бир ёрқин тасдиғи бўлди.
Мамлакатга раҳбарлигингизнинг навбатдаги даврида биродар Ўзбекистон бу йўлда янги чўққиларни забт этишига ишонаман.
Сизнинг Тожикистон ва Ўзбекистон ўртасидаги дўстлик, яхши қўшничилик ва стратегик шериклик шаклидаги конструктив ҳамкорликни ҳар томонлама ривожлантириш ва мустаҳкамлаш борасидаги изчил интилишингизни юксак баҳолайман.
Биргаликдаги саъй-ҳаракатлар билан Тожикистон билан Ўзбекистоннинг самарали давлатлараро ҳамкорлигини бундан буён ҳам халқларимиз фаровонлиги ва бутун минтақа манфаатлари йўлида илгари сурамиз.
Фурсатдан фойдаланиб, мамлакатларимиз муносабатларини янги амалий мазмун билан бойитишга биргаликда ҳаракат қилишга тайёр эканимни билдираман.
Ҳурмат билан
Эмомали Раҳмон,
Тожикистон Республикаси Президенти
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Қирғиз Республикасининг халқи номидан ва шахсан ўз номимдан Сизни Ўзбекистон Республикаси Президенти этиб сайланганингиз билан чин қалбимдан муборакбод этаман.
Сайлов натижалари Ўзбекистоннинг кўпмиллатли халқи Сизга юксак ишонч билан қараётганини яна бир бор яққол кўрсатди.
Сизнинг оқилона ва узоқни кўра биладиган раҳбарлигингиз остида Ўзбекистон давлатчиликни ривожлантиришда улкан муваффақиятларга эришишига қатъий ишонаман.
Мамлакатимизда Сизнинг Қирғизистон-Ўзбекистон муносабатларини ривожлантириш ҳамда Марказий Осиё халқларининг равнақи йўлида минтақавий ҳамкорликни мустаҳкамлашга қўшаётган катта ҳиссангизни юксак қадрлашади.
Биз бундан буён ҳам сиёсий мулоқотни фаоллаштиришга, кўп асрлик дўстлик ва яхши қўшничилик анъаналарига асосланган икки томонлама муносабатларни кенгайтириш ва мустаҳкамлаш устида биргаликда ишлашга тайёрмиз.
Ушбу қувончли имкониятдан фойдаланиб, Сизга, муҳтарам Шавкат Миромонович, мустаҳкам соғлик, масъулиятли давлат лавозимидаги фаолиятингизга янги муваффақиятлар, биродар Ўзбекистон халқига эса тинчлик-осойишталик, фаровонлик ва равнақ тилайман.
Ҳурмат билан
Садир Жапаров,
Қирғиз Республикаси Президенти
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Ўзбекистон Республикаси Президенти лавозимига қайта сайланганингиз билан Сизни дилдан қутлайман.
Сайловдаги ишончли ғалабангиз – Сизнинг мамлакат фаровонлиги йўлидаги сиёсатингиз биродар ўзбек халқи томонидан қўллаб-қувватлаётгани, ҳақиқий етакчи сифатида Сизга катта ишонч ва ҳурмат билан қараётганининг ёрқин ифодаси.
Озарбайжон ва Ўзбекистонни халқларимизнинг муштарак маънавий қадриятларига асосланган дўстлик ва биродарлик муносабатлари чамбарчас боғлаб туради. Алоқаларимизнинг бугунги даражаси, ушбу мустаҳкам пойдеворга қурилган ўзаро манфаатли ҳамкорлигимиз кундан-кунга кенгайиб бораётгани катта мамнуният бағишлайди.
Бой миллий-маънавий қадриятларимиздан куч олаётган Озарбайжон-Ўзбекистон дўстлиги ва стратегик шериклиги биродар халқларимиз иродасига мувофиқ бундан буён ҳам юқорилаб, мустаҳкамланиб боришига ишонаман.
Ҳурматли Шавкат Миромонович, Сизга мустаҳкам соғлик, бахт-саодат, биродар Ўзбекистон Республикасининг фаровонлиги ва равнақи йўлида олий давлат лавозимидаги фаолиятингизга янги муваффақиятлар тилайман.
Ҳурмат билан
Илҳом Алиев,
Озарбайжон Республикаси Президенти
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Олий давлат лавозимига қайта сайланганингиз муносабати билан самимий табрикларимни қабул қилгайсиз.
Ишончли ғалабангиз юксак обрў-эътиборингиз, сайловчиларнинг сизга бўлган ишончи баланд эканининг ёрқин ва шубҳасиз далили бўлди. Халқ кучли, мустақил, замонавий давлат барпо этиш борасида танланган йўлга содиқ эканини тасдиқлади.
Сизнинг тажрибали раҳбарлигингизда Ўзбекистон Республикаси жадал ривожланишда, иқтисодий салоҳияти ва халқаро майдондаги ўрнини мустаҳкамлашда давом этади.
Умид қиламанки, яқин вақтда иккимиз шахсан учрашиб, икки томонлама ҳамкорликнинг жорий ва истиқболли йўналишларини муҳокама қилиб оламиз.
Ушбу қувончли фурсатдан фойдаланиб, Сизга, муҳтарам Шавкат Миромонович, сиҳат-саломатлик, битмас-туганмас куч-ғайрат ҳамда Ватан фаровонлигини кўзлаб мўлжалланган режаларингизга муваффақиятлар тилайман.
Ҳурмат билан
Александр Лукашенко,
Беларусь Республикаси Президенти
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Президент жаноблари!
Сизни Ўзбекистон Республикаси Президенти лавозимига қайта сайланганингиз билан муборакбод этишга ижозат бергайсиз.
Жорий йил март ойида Тошкентда самарали фикр алмашганимиз ва мамлакатларимиз ўртасидаги Стратегик шериклик тўғрисидаги баёнотни имзолаганимиздан мамнунман. Туркий Кенгаш доирасидаги ҳамкорлигимиз Венгрия ва Ўзбекистон ўртасидаги дўстона муносабатларни мустаҳкамлашга янги суръат бағишлайди. Ишонтириб айтаманки, менинг Ҳукуматим икки томонлама муносабатларимизни ривожлантириб боришда ҳар доимгидек қатъийдир.
Келгуси йилда Будапештда расмий ташриф доирасида Президент жаноблари билан шахсан учрашишдан умидворман ҳамда ушбу ташриф муносабатларимизни мустаҳкамлаш учун яна бир имконият бўлишига ишонаман.
Олдингизда турган масъулиятли вазифаларни рўёбга чиқаришда Сизга омад ва мустаҳкам соғлик тилайман!
Виктор Орбан,
Венгрия Бош вазири
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Шавкат Миромонович!
Россия Федерацияси Федерал Мажлиси Федерация Кенгаши номидан ва шахсан ўз номимдан Сизни Ўзбекистон Республикаси Президенти лавозимига қайта сайланганингиз билан табриклайман.
Президент сайлови натижалари мамлакатингиз фуқаролари Сизнинг иқтисодий ўсишни таъминлаш ва одамлар фаровонлигини оширишга қаратилган сиёсатингиз ва бунёдкорлик ишларингизни тўлиқ қўллаб-қувватлаётганини яққол тасдиқлаб турибди.
Сизнинг Президент лавозимидаги муваффақиятли фаолиятингиз даврида Ўзбекистон ижтимоий-иқтисодий, гуманитар ва бошқа соҳаларда халқаро эътирофга сазовор бўлган, республиканинг жаҳон саҳнасидаги нуфузини мустаҳкамлаган улкан ютуқларга эришди.
Сизга берилган овозлар сони мутлақ кўпчиликни ташкил этгани Ўзбекистон халқи ўз Президентига чексиз ишонч билдирганини аниқ-равшан кўрсатди. Бу фидокорона меҳнатингиз ва Ватанга хизматингиз учун берилган энг юксак мукофотдир.
Парламентларимиз ўртасидаги конструктив ва очиқ мулоқот мамлакатларимиз ҳамкорлигида тўпланган бой тажрибанинг узвий қисмидир. Ишончим комил, Сизнинг бебаҳо кўмагингиз билан ҳамкорликнинг ушбу муҳим йўналиши бундан буён ҳам Россия-Ўзбекистон алоқаларининг барча соҳаларини жадаллаштиришнинг самарали воситаси бўлиб қолади.
Сизга, муҳтарам Шавкат Миромонович, мустаҳкам соғлик, бахт-саодат ва олий давлат лавозимидаги фаолиятингизга муваффақиятлар тилайман. Тажрибангиз, изчиллик ва интилувчанлигингиз Ўзбекистон Республикаси халқининг фаровонлиги йўлидаги сермаҳсул ишлар учун мустаҳкам пойдевор бўлиб хизмат қилсин.
Сизга бўлган юксак ҳурмат-эҳтиромимни қабул қилгайсиз.
Валентина Матвиенко,
Россия Федерацияси Федерал Мажлиси
Федерация Кенгаши Раиси
Ўзбекистон Республикаси Президенти
Шавкат Мирзиёев Жаноби Олийларига
Муҳтарам Шавкат Миромонович!
МДҲ Ижроия қўмитасига қайтиб, яна бир бор Сизни Ўзбекистон Республикаси Президенти сайловидаги ишончли ғалабангиз билан табриклашни истардим.
МДҲнинг кузатувчилар миссияси раҳбари сифатида мамлакатингиз аксарият фуқароларининг Сизга бўлган ишончи юқори даражада эканига яна бир бор амин бўлдим.
Сизнинг давлат раҳбари сифатидаги фаолиятингиз Ўзбекистон Республикасининг изчил тараққиётига, халқаро майдондаги ўрни янада мустаҳкамланишига, Мустақил Давлатлар Ҳамдўстлиги маконидаги интеграция жараёнлари чуқурлашишига бундан буён ҳам хизмат қилишига қатъий ишонаман.
Фурсатдан фойдаланиб, МДҲ кузатувчилари миссиясининг фаолиятига яратилган ҳамда сайлов кампаниясига тайёргарлик кўриш ва уни ўтказишнинг барча босқичларида холисона мониторингни амалга ошириш имконини берган қулай шароитлар учун ташаккур билдираман.
Сиз билан шахсан учрашиш ҳамда Марказий Осиё минтақасидаги ташқи ва ички вазиятнинг долзарб масалалари, Ўзбекистон Республикасининг бугунги ривожланиши ва Мустақил Давлатлар Ҳамдўстлиги муаммолари юзасидан очиқ суҳбатлашиш имконияти учун чин дилдан миннатдорман.
Президентликка сайловдаги ғалабангиз муносабати билан самимий табрикларимни йўллаш билан бир қаторда Сизга мустаҳкам соғлик, бахт-саодат, Ўзбекистон халқи фаровонлиги йўлидаги фаолиятингизга муваффақиятлар тилайман.
Сергей Лебедев,
Мустақил Давлатлар Ҳамдўстлиги
Ижроия қўмитаси раиси – Ижрочи котиби
Ўзбекистон Республикаси Президенти
Шавкат Мирзиёев Жаноби Олийларига
Ҳурматли Президент жаноблари!
Сизни Ўзбекистон Республикаси Президенти лавозимига қайта сайланганингиз муносабати билан табриклашга ижозат бергайсиз. 2021 йил июль ойида Ўзбекистонга ташрифим давомида юртингизнинг оташин меҳри ва меҳмондўстлигидан баҳраманд бўлиб, унинг иқтисодий тараққиётига гувоҳ бўлдим.
Ўзбекистон Республикаси Жаҳон божхона ташкилотининг (ЖБТ) яқин ҳамкори ҳамда халқаро савдони қўллаб-қувватлаш ва таъминлаш ишига содиқ бўлиб қолишига ишонаман.
ЖБТ ушбу шерикликни юксак қадрлайди, Сизнинг Ўзбекистон ва қўшни мамлакатлар ўртасидаги ҳамкорликни мустаҳкамлаш, минтақадаги алоқаларни кенгайтиришга муҳим ҳисса қўшаётганингизни олқишлайди.
Администрациянгизга юклатилган муҳим вазифаларни бажаришда Сизга ҳар томонлама муваффақият тилайман.
Президент жаноблари, энг эзгу тилакларим ва Сизга бўлган юксак эҳтиромимни қабул қилинг.
Кунио Микурия,
Жаҳон божхона ташкилоти бош котиби
Ўзбекистон Республикаси Президенти
Шавкат Мирзиёев Жаноби Олийларига
Жаноби Олийлари!
Ўзбекистон Республикаси Президенти ва давлат раҳбари лавозимига қайта сайланганингиз тўғрисидаги хабарни катта мамнуният билан қабул қилдим. Ушбу муҳим воқеа – Ўзбекистон халқи Сизга яна бир бор ишонч билдиргани билан чин қалбимдан муборакбод этаман. Сизнинг оқилона ва чуқур ўйланган раҳбарлигингизда Ўзбекистон аҳолиси бундан буён ҳам катта эркинликлар ва фаровон турмушдан баҳраманд бўлишига ишончим комил.
Ўзбекистон Парламентлараро иттифоқнинг жуда фаол аъзосидир, ушбу ҳамкорлик янада мустаҳкамланишидан умидворман. Жаноби Олийлари, Сиз ҳам бу интилишни қўллаб-қувватлашингизга ишонаман, шу сабабли ҳамкорлигимизни янада юксак даражага олиб чиқишимизга умид қиламан.
Сизни яна бир бор табриклайман ва омад тилайман. Яқин фурсатда Сиз билан учрашиш имкониятини орзиқиб кутаман.
Самимий ҳурмат билан
Мартинг Чунгонг,
Парламентлараро иттифоқ бош котиби
Ўзбекистон Республикаси Президенти
Шавкат Мирзиёев Жаноби Олийларига
Президент Жаноби Олийлари,
Туркий тилли давлатлар ҳамкорлик Кенгаши номидан ва шахсан ўз номимдан Ўзбекистон Республикаси Президенти сайловида қозонилган ишончли ғалабангиз муносабати билан самимий табрикларимни қабул қилгайсиз.
Куни кеча бўлиб ўтган сайловда хорижий давлатлар ва халқаро ташкилотлар, шу жумладан, Туркий Кенгашдан кузатув миссиялари иштирок этиб, мазкур муҳим сиёсий тадбир халқаро миқёсда эътироф этилган стандартларга мувофиқ ўтганига гувоҳ бўлдилар.
Мазкур сайлов Ўзбекистон халқининг яна бир бор фидойилиги, шижоати ва фаоллигини намоён этган бўлса, овоз бериш натижалари қардош халқнинг Янги Ўзбекистонда Сиз Жаноби Олийларининг раҳбарлиги остида амалга оширилаётган ислоҳотларни нақадар қўллаб-қувватлаётганини тўлиқ тасдиқлади.
Фурсатдан фойдаланиб, Сиз Жаноби Олийларига Туркий Кенгаш фаолиятини доимий қўллаб-қувватлаётганингиз ва туркий давлатлар ўртасидаги кўп томонлама муносабатларни ривожлантириш ва мустаҳкамлашга қўшаётган бебаҳо ҳиссангиз учун миннатдорлик билдириб, Сизга сиҳат-саломатлик, бахт-саодат ва муваффақият ҳамда қардош Ўзбекистон халқига тинчлик ва равнақ тилайман.
Чуқур ҳурмат ва эҳтиром ила
Бағдод Амреев,
Туркий тилли давлатлар ҳамкорлик кенгаши
бош котиби
Қутловлар келиши давом этмоқда.
