Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Oʻzbekiston Respublikasi Prezidenti lavozimiga qayta saylanganingiz munosabati bilan samimiy tabriklarimni qabul qilgaysiz.
Ushbu gʻalaba Sizning ichki va iqtisodiy siyosatdagi islohotlaringiz natijasidir. Bu Sizning milliy davlatchilikni mustahkamlash, xalq farovonligini yuksaltirish borasidagi tashabbuslaringiz hamda milliy manfaatlarni mintaqaviy va xalqaro maydonda ilgari surish boʻyicha pozitsiyangiz Oʻzbekiston fuqarolari tomonidan qoʻllab-quvvatlanayotgani ifodasi hamdir.
Mamlakatingiz Sizning rahbarligingiz ostida bundan buyon ham jadal rivojlanishi va ravnaq topishini tilayman.
Qozogʻiston va Oʻzbekiston koʻp asrlik oʻzaro hurmat va yaxshi qoʻshnichilik anʼanalariga asoslangan har tomonlama strategik sheriklikni mustahkamlab borishiga va xalqlarimiz farovonligi yoʻlida izchil taraqqiy etishiga ishonaman.
Oʻzaro hurmat va anglashuvga asoslangan doʻstligimizni yuksak qadrlayman. Kelajakda xalqlarimiz farovonligi yoʻlida yana bir bor uchrashishimizga umid qilaman.
Fursatdan foydalanib, hurmatli Shavkat Miromonovich, Sizga mustahkam sogʻlik va bitmas-tuganmas kuch-gʻayrat, oilangizga baxt-saodat, birodar Oʻzbekiston xalqiga esa tinchlik-osoyishtalik va ravnaq tilayman!
Samimiy tilaklar ila
Nursulton Nazarboyev,
Qozogʻiston Respublikasining
Birinchi Prezidenti — Elboshi
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Oʻzbekiston Respublikasida oʻtgan Prezident saylovidagi gʻalabangiz munosabati bilan samimiy qutlovlarimni qabul qilgaysiz.
Ovoz berish natijalari Sizning mamlakat ravniqini taʼminlash, uning xalqaro maydondagi nufuzini izchil oshirish va birodar oʻzbek xalqining farovonligini yuksaltirishga qaratilgan oqilona siyosatingiz umumxalq miqyosida qoʻllab-quvvatlanayotganidan dalolat beradi.
Ishonchim komil, Turkmaniston va Oʻzbekiston oʻrtasidagi yaxshi qoʻshnichilik, doʻstlik va oʻzaro anglashuv tamoyillariga asoslangan doʻstona va iliq munosabatlar bundan buyon ham xalqlarimizning yorqin kelajagi yoʻlida jadal rivojlanishda davom etadi.
Ushbu quvonchli fursatdan foydalanib, Sizga, muhtaram Shavkat Miromonovich, mustahkam sogʻlik, baxt-saodat, davlat rahbari lavozimidagi masʼuliyatli faoliyatingizga muvaffaqiyatlar, birodar Oʻzbekiston xalqiga esa tinchlik-osoyishtalik va ravnaq tilayman.
Chuqur hurmat bilan
Gurbanguli Berdimuhamedov,
Turkmaniston Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Sizni Oʻzbekiston Respublikasi Prezidenti lavozimiga katta ishonch bilan qayta saylanganingiz bilan dildan qutlayman.
Umummilliy ovoz berish natijalariga koʻra erishilgan dadil gʻalabangiz Sizning Yangi Oʻzbekistonni – ijtimoiy-iqtisodiy hayotdagi ulkan yutuqlarga erishgan, sotsial-iqtisodiy jihatdan barqaror rivojlanayotgan, xalqaro maydonda yuksak obroʻ-eʼtiborga sazovor mamlakatni barpo etish gʻoyasini roʻyobga chiqarishga qaratilgan strategik saʼy-harakatlaringiz umumxalq miqyosda qoʻllab-quvvatlanayotganidan dalolat beradi.
Qozogʻistonda Sizni birodar xalqlarimiz oʻrtasidagi hamkorlikni izchil rivojlantirish, doʻstlik va yaxshi qoʻshnichilikni mustahkamlashning qatʼiy tarafdori sifatida bilishadi va hurmat qilishadi.
Ishonchim komil, birgalikdagi saʼy-harakatlar bilan ikki tomonlama strategik sherikligimizni mamlakatlarimiz va butun Markaziy Osiyo manfaatlari yoʻlida yanada yuksak darajaga olib chiqishga qodirmiz.
Kun tartibidagi barcha dolzarb masalalarni muhokama qilish uchun Sizni yaqin vaqtda Qozogʻiston Respublikasiga davlat tashrifi bilan kelishga taklif etaman.
Fursatdan foydalanib, hurmatli Shavkat Miromonovich, Sizga Vatan va xalq xizmatidagi fidokorona faoliyatingizga yangi muvaffaqiyatlar tilayman.
Hurmat ila
Qasim-Jomart Toqayev,
Qozogʻiston Respublikasi Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Qadrli Shavkat Miromonovich!
Oʻzbekiston Respublikasi Prezidentidek yuksak lavozimga qayta saylanganingiz munosabati bilan Sizga samimiy tabriklarim va eng ezgu tilaklarimni yoʻllash menga katta mamnuniyat bagʻishlaydi.
Sizga mustahkam sogʻlik, farovonlik, doʻst Oʻzbekistonning barqaror taraqqiyoti yoʻlidagi faoliyatingiz yanada sermahsul boʻlishini, birodar oʻzbek xalqiga esa tinchlik-osoyishtalik, barqarorlik va ravnaq tilayman.
Prezident saylovidagi ishonchli gʻalabangiz Sizning mamlakatni izchil rivojlantirish va xalqaro maydondagi nufuzini mustahkamlashga qaratilgan siyosatingiz butun xalq tomonidan qoʻllab-quvvatlayotganining yana bir yorqin tasdigʻi boʻldi.
Mamlakatga rahbarligingizning navbatdagi davrida birodar Oʻzbekiston bu yoʻlda yangi choʻqqilarni zabt etishiga ishonaman.
Sizning Tojikiston va Oʻzbekiston oʻrtasidagi doʻstlik, yaxshi qoʻshnichilik va strategik sheriklik shaklidagi konstruktiv hamkorlikni har tomonlama rivojlantirish va mustahkamlash borasidagi izchil intilishingizni yuksak baholayman.
Birgalikdagi saʼy-harakatlar bilan Tojikiston bilan Oʻzbekistonning samarali davlatlararo hamkorligini bundan buyon ham xalqlarimiz farovonligi va butun mintaqa manfaatlari yoʻlida ilgari suramiz.
Fursatdan foydalanib, mamlakatlarimiz munosabatlarini yangi amaliy mazmun bilan boyitishga birgalikda harakat qilishga tayyor ekanimni bildiraman.
Hurmat bilan
Emomali Rahmon,
Tojikiston Respublikasi Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Qirgʻiz Respublikasining xalqi nomidan va shaxsan oʻz nomimdan Sizni Oʻzbekiston Respublikasi Prezidenti etib saylanganingiz bilan chin qalbimdan muborakbod etaman.
Saylov natijalari Oʻzbekistonning koʻpmillatli xalqi Sizga yuksak ishonch bilan qarayotganini yana bir bor yaqqol koʻrsatdi.
Sizning oqilona va uzoqni koʻra biladigan rahbarligingiz ostida Oʻzbekiston davlatchilikni rivojlantirishda ulkan muvaffaqiyatlarga erishishiga qatʼiy ishonaman.
Mamlakatimizda Sizning Qirgʻiziston-Oʻzbekiston munosabatlarini rivojlantirish hamda Markaziy Osiyo xalqlarining ravnaqi yoʻlida mintaqaviy hamkorlikni mustahkamlashga qoʻshayotgan katta hissangizni yuksak qadrlashadi.
Biz bundan buyon ham siyosiy muloqotni faollashtirishga, koʻp asrlik doʻstlik va yaxshi qoʻshnichilik anʼanalariga asoslangan ikki tomonlama munosabatlarni kengaytirish va mustahkamlash ustida birgalikda ishlashga tayyormiz.
Ushbu quvonchli imkoniyatdan foydalanib, Sizga, muhtaram Shavkat Miromonovich, mustahkam sogʻlik, masʼuliyatli davlat lavozimidagi faoliyatingizga yangi muvaffaqiyatlar, birodar Oʻzbekiston xalqiga esa tinchlik-osoyishtalik, farovonlik va ravnaq tilayman.
Hurmat bilan
Sadir Japarov,
Qirgʻiz Respublikasi Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Oʻzbekiston Respublikasi Prezidenti lavozimiga qayta saylanganingiz bilan Sizni dildan qutlayman.
Saylovdagi ishonchli gʻalabangiz – Sizning mamlakat farovonligi yoʻlidagi siyosatingiz birodar oʻzbek xalqi tomonidan qoʻllab-quvvatlayotgani, haqiqiy yetakchi sifatida Sizga katta ishonch va hurmat bilan qarayotganining yorqin ifodasi.
Ozarbayjon va Oʻzbekistonni xalqlarimizning mushtarak maʼnaviy qadriyatlariga asoslangan doʻstlik va birodarlik munosabatlari chambarchas bogʻlab turadi. Aloqalarimizning bugungi darajasi, ushbu mustahkam poydevorga qurilgan oʻzaro manfaatli hamkorligimiz kundan-kunga kengayib borayotgani katta mamnuniyat bagʻishlaydi.
Boy milliy-maʼnaviy qadriyatlarimizdan kuch olayotgan Ozarbayjon-Oʻzbekiston doʻstligi va strategik sherikligi birodar xalqlarimiz irodasiga muvofiq bundan buyon ham yuqorilab, mustahkamlanib borishiga ishonaman.
Hurmatli Shavkat Miromonovich, Sizga mustahkam sogʻlik, baxt-saodat, birodar Oʻzbekiston Respublikasining farovonligi va ravnaqi yoʻlida oliy davlat lavozimidagi faoliyatingizga yangi muvaffaqiyatlar tilayman.
Hurmat bilan
Ilhom Aliyev,
Ozarbayjon Respublikasi Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Oliy davlat lavozimiga qayta saylanganingiz munosabati bilan samimiy tabriklarimni qabul qilgaysiz.
Ishonchli gʻalabangiz yuksak obroʻ-eʼtiboringiz, saylovchilarning sizga boʻlgan ishonchi baland ekanining yorqin va shubhasiz dalili boʻldi. Xalq kuchli, mustaqil, zamonaviy davlat barpo etish borasida tanlangan yoʻlga sodiq ekanini tasdiqladi.
Sizning tajribali rahbarligingizda Oʻzbekiston Respublikasi jadal rivojlanishda, iqtisodiy salohiyati va xalqaro maydondagi oʻrnini mustahkamlashda davom etadi.
Umid qilamanki, yaqin vaqtda ikkimiz shaxsan uchrashib, ikki tomonlama hamkorlikning joriy va istiqbolli yoʻnalishlarini muhokama qilib olamiz.
Ushbu quvonchli fursatdan foydalanib, Sizga, muhtaram Shavkat Miromonovich, sihat-salomatlik, bitmas-tuganmas kuch-gʻayrat hamda Vatan farovonligini koʻzlab moʻljallangan rejalaringizga muvaffaqiyatlar tilayman.
Hurmat bilan
Aleksandr Lukashenko,
Belarus Respublikasi Prezidenti
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Prezident janoblari!
Sizni Oʻzbekiston Respublikasi Prezidenti lavozimiga qayta saylanganingiz bilan muborakbod etishga ijozat bergaysiz.
Joriy yil mart oyida Toshkentda samarali fikr almashganimiz va mamlakatlarimiz oʻrtasidagi Strategik sheriklik toʻgʻrisidagi bayonotni imzolaganimizdan mamnunman. Turkiy Kengash doirasidagi hamkorligimiz Vengriya va Oʻzbekiston oʻrtasidagi doʻstona munosabatlarni mustahkamlashga yangi surʼat bagʻishlaydi. Ishontirib aytamanki, mening Hukumatim ikki tomonlama munosabatlarimizni rivojlantirib borishda har doimgidek qatʼiydir.
Kelgusi yilda Budapeshtda rasmiy tashrif doirasida Prezident janoblari bilan shaxsan uchrashishdan umidvorman hamda ushbu tashrif munosabatlarimizni mustahkamlash uchun yana bir imkoniyat boʻlishiga ishonaman.
Oldingizda turgan masʼuliyatli vazifalarni roʻyobga chiqarishda Sizga omad va mustahkam sogʻlik tilayman!
Viktor Orban,
Vengriya Bosh vaziri
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Rossiya Federatsiyasi Federal Majlisi Federatsiya Kengashi nomidan va shaxsan oʻz nomimdan Sizni Oʻzbekiston Respublikasi Prezidenti lavozimiga qayta saylanganingiz bilan tabriklayman.
Prezident saylovi natijalari mamlakatingiz fuqarolari Sizning iqtisodiy oʻsishni taʼminlash va odamlar farovonligini oshirishga qaratilgan siyosatingiz va bunyodkorlik ishlaringizni toʻliq qoʻllab-quvvatlayotganini yaqqol tasdiqlab turibdi.
Sizning Prezident lavozimidagi muvaffaqiyatli faoliyatingiz davrida Oʻzbekiston ijtimoiy-iqtisodiy, gumanitar va boshqa sohalarda xalqaro eʼtirofga sazovor boʻlgan, respublikaning jahon sahnasidagi nufuzini mustahkamlagan ulkan yutuqlarga erishdi.
Sizga berilgan ovozlar soni mutlaq koʻpchilikni tashkil etgani Oʻzbekiston xalqi oʻz Prezidentiga cheksiz ishonch bildirganini aniq-ravshan koʻrsatdi. Bu fidokorona mehnatingiz va Vatanga xizmatingiz uchun berilgan eng yuksak mukofotdir.
Parlamentlarimiz oʻrtasidagi konstruktiv va ochiq muloqot mamlakatlarimiz hamkorligida toʻplangan boy tajribaning uzviy qismidir. Ishonchim komil, Sizning bebaho koʻmagingiz bilan hamkorlikning ushbu muhim yoʻnalishi bundan buyon ham Rossiya-Oʻzbekiston aloqalarining barcha sohalarini jadallashtirishning samarali vositasi boʻlib qoladi.
Sizga, muhtaram Shavkat Miromonovich, mustahkam sogʻlik, baxt-saodat va oliy davlat lavozimidagi faoliyatingizga muvaffaqiyatlar tilayman. Tajribangiz, izchillik va intiluvchanligingiz Oʻzbekiston Respublikasi xalqining farovonligi yoʻlidagi sermahsul ishlar uchun mustahkam poydevor boʻlib xizmat qilsin.
Sizga boʻlgan yuksak hurmat-ehtiromimni qabul qilgaysiz.
Valentina Matviyenko,
Rossiya Federatsiyasi Federal Majlisi
Federatsiya Kengashi Raisi
Oʻzbekiston Respublikasi Prezidenti
Shavkat Mirziyoyev Janobi Oliylariga
Muhtaram Shavkat Miromonovich!
MDH Ijroiya qoʻmitasiga qaytib, yana bir bor Sizni Oʻzbekiston Respublikasi Prezidenti saylovidagi ishonchli gʻalabangiz bilan tabriklashni istardim.
MDHning kuzatuvchilar missiyasi rahbari sifatida mamlakatingiz aksariyat fuqarolarining Sizga boʻlgan ishonchi yuqori darajada ekaniga yana bir bor amin boʻldim.
Sizning davlat rahbari sifatidagi faoliyatingiz Oʻzbekiston Respublikasining izchil taraqqiyotiga, xalqaro maydondagi oʻrni yanada mustahkamlanishiga, Mustaqil Davlatlar Hamdoʻstligi makonidagi integratsiya jarayonlari chuqurlashishiga bundan buyon ham xizmat qilishiga qatʼiy ishonaman.
Fursatdan foydalanib, MDH kuzatuvchilari missiyasining faoliyatiga yaratilgan hamda saylov kampaniyasiga tayyorgarlik koʻrish va uni oʻtkazishning barcha bosqichlarida xolisona monitoringni amalga oshirish imkonini bergan qulay sharoitlar uchun tashakkur bildiraman.
Siz bilan shaxsan uchrashish hamda Markaziy Osiyo mintaqasidagi tashqi va ichki vaziyatning dolzarb masalalari, Oʻzbekiston Respublikasining bugungi rivojlanishi va Mustaqil Davlatlar Hamdoʻstligi muammolari yuzasidan ochiq suhbatlashish imkoniyati uchun chin dildan minnatdorman.
Prezidentlikka saylovdagi gʻalabangiz munosabati bilan samimiy tabriklarimni yoʻllash bilan bir qatorda Sizga mustahkam sogʻlik, baxt-saodat, Oʻzbekiston xalqi farovonligi yoʻlidagi faoliyatingizga muvaffaqiyatlar tilayman.
Sergey Lebedev,
Mustaqil Davlatlar Hamdoʻstligi
Ijroiya qoʻmitasi raisi – Ijrochi kotibi
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Prezident janoblari!
Sizni Oʻzbekiston Respublikasi Prezidenti lavozimiga qayta saylanganingiz munosabati bilan tabriklashga ijozat bergaysiz. 2021 yil iyul oyida Oʻzbekistonga tashrifim davomida yurtingizning otashin mehri va mehmondoʻstligidan bahramand boʻlib, uning iqtisodiy taraqqiyotiga guvoh boʻldim.
Oʻzbekiston Respublikasi Jahon bojxona tashkilotining (JBT) yaqin hamkori hamda xalqaro savdoni qoʻllab-quvvatlash va taʼminlash ishiga sodiq boʻlib qolishiga ishonaman.
JBT ushbu sheriklikni yuksak qadrlaydi, Sizning Oʻzbekiston va qoʻshni mamlakatlar oʻrtasidagi hamkorlikni mustahkamlash, mintaqadagi aloqalarni kengaytirishga muhim hissa qoʻshayotganingizni olqishlaydi.
Administratsiyangizga yuklatilgan muhim vazifalarni bajarishda Sizga har tomonlama muvaffaqiyat tilayman.
Prezident janoblari, eng ezgu tilaklarim va Sizga boʻlgan yuksak ehtiromimni qabul qiling.
Kunio Mikuriya,
Jahon bojxona tashkiloti bosh kotibi
Oʻzbekiston Respublikasi Prezidenti
Shavkat Mirziyoyev Janobi Oliylariga
Janobi Oliylari!
Oʻzbekiston Respublikasi Prezidenti va davlat rahbari lavozimiga qayta saylanganingiz toʻgʻrisidagi xabarni katta mamnuniyat bilan qabul qildim. Ushbu muhim voqea – Oʻzbekiston xalqi Sizga yana bir bor ishonch bildirgani bilan chin qalbimdan muborakbod etaman. Sizning oqilona va chuqur oʻylangan rahbarligingizda Oʻzbekiston aholisi bundan buyon ham katta erkinliklar va farovon turmushdan bahramand boʻlishiga ishonchim komil.
Oʻzbekiston Parlamentlararo ittifoqning juda faol aʼzosidir, ushbu hamkorlik yanada mustahkamlanishidan umidvorman. Janobi Oliylari, Siz ham bu intilishni qoʻllab-quvvatlashingizga ishonaman, shu sababli hamkorligimizni yanada yuksak darajaga olib chiqishimizga umid qilaman.
Sizni yana bir bor tabriklayman va omad tilayman. Yaqin fursatda Siz bilan uchrashish imkoniyatini orziqib kutaman.
Samimiy hurmat bilan
Marting Chungong,
Parlamentlararo ittifoq bosh kotibi
Oʻzbekiston Respublikasi Prezidenti
Shavkat Mirziyoyev Janobi Oliylariga
Prezident Janobi Oliylari,
Turkiy tilli davlatlar hamkorlik Kengashi nomidan va shaxsan oʻz nomimdan Oʻzbekiston Respublikasi Prezidenti saylovida qozonilgan ishonchli gʻalabangiz munosabati bilan samimiy tabriklarimni qabul qilgaysiz.
Kuni kecha boʻlib oʻtgan saylovda xorijiy davlatlar va xalqaro tashkilotlar, shu jumladan, Turkiy Kengashdan kuzatuv missiyalari ishtirok etib, mazkur muhim siyosiy tadbir xalqaro miqyosda eʼtirof etilgan standartlarga muvofiq oʻtganiga guvoh boʻldilar.
Mazkur saylov Oʻzbekiston xalqining yana bir bor fidoyiligi, shijoati va faolligini namoyon etgan boʻlsa, ovoz berish natijalari qardosh xalqning Yangi Oʻzbekistonda Siz Janobi Oliylarining rahbarligi ostida amalga oshirilayotgan islohotlarni naqadar qoʻllab-quvvatlayotganini toʻliq tasdiqladi.
Fursatdan foydalanib, Siz Janobi Oliylariga Turkiy Kengash faoliyatini doimiy qoʻllab-quvvatlayotganingiz va turkiy davlatlar oʻrtasidagi koʻp tomonlama munosabatlarni rivojlantirish va mustahkamlashga qoʻshayotgan bebaho hissangiz uchun minnatdorlik bildirib, Sizga sihat-salomatlik, baxt-saodat va muvaffaqiyat hamda qardosh Oʻzbekiston xalqiga tinchlik va ravnaq tilayman.
Chuqur hurmat va ehtirom ila
Bagʻdod Amreev,
Turkiy tilli davlatlar hamkorlik kengashi
bosh kotibi
Qutlovlar kelishi davom etmoqda.
